Gazte askorentzat udako oporrak euskararik gabeko basamortua dira eta harekiko kontaktua ahultzen da. Horregatik, Laudioko DBHko ikasleei zuzenduta (ez dute Laudion erroldatuta egon behar), euskara + aisia + formazioa uztartzen dituen egitasmo bat kaleratuko da Laudio Udaleko Euskara Arloaren bitartez: “Udako gazTENTAZIOAK” du izena eta aurtengoa bere bigarren edizioa da. Galduko al duzu?

• Leku mugatuak.
• 10 euro ikastaro bakoitzeko
• Laudioko DBH ikastetxeetako ikasleentzat

Zientzia tailerrak. Oinarri zientifikoak esperimentuen bitartez ulertzeko ekimena

MAD SCIENCE 10:30-11:30. Izena emateko (udaletxean – 10 euro) azken eguna: uztailak 3. Zubiko Etxean (Gastronomia Museoa zena). Gehienez, 20 lagun.

• Uztailak 07 Neurona bat eraikitzea. Biologia zelularra. Amaieran nork bere etxera eramango du Petri plaka batean.
• Uztailak 08 Klima aldaketa + euri azidoa + pH eskala. Izotz lehorra.
• Uztailak 09 Energiaren sorrera eta eraginkortasuna. Zientziaren esaldi ezagunena + Zirkuitu jasangarriak + etxean aplikatzeko energia-eraginkortasuna + Hidrogeno-ibilgailua: nola sortu hidrogenoa.
• Uztailak 10 Kimika bizirik. Atomoen txikitasuna. Nola batzen diren atomoak molekulak sortzeko eta nola molekulak erreakzionatzen diren elkarrekin berri batzuk eratzeko.
• Uztailak 11 DNA (ADN) gara. DNA egiturak aztertuko dira. Praktika: galorratz lagin batetik, DNA lortu.

Harlem Shake bideo ekoizpena Smartphone mugikorren bitartez

INFO AIARALDEA 11:00-13:00. Izena emateko (udaletxean – 10 euro) azken eguna: uztailak 10. Kultura Etxean. Gehienez, 20 lagun.

• Uztailak 14 Ikastaroaren sarrera + Aurkezpen jolasa + Harlem Shakeren gidoi-prestaketa
• Uztailak 15 Sakelakoen aplikazio ezberdinak
• Uztailak 16 Zure bideo-edizioak sakelako telefonoaz
• Uztailak 17 Harlem Shakearen grabaketa
• Uztailak 18 Smartphone bidezko edizioa + bideo ekoizpenen emanaldia

Espeleologia. 1. txanda

TAKOMANO ESPELEOLOGIA TALDEA Izena emateko (udaletxean – 10 euro) azken eguna: uztailak 17. Gehienez, 10 lagun.

• Uztailak 21 10:30-13:30 Espeleologiari buruz jakin beharrekoak irudiekin + korapiloak, erabili beharreko materialak… Herriko Plazako hitzaldi aretoan
• Uztailak 23 09:00-14:00 Praktikak Untzueta mendiko Lezeaga haitzuloan

Espeleologia. 2. txanda

TAKOMANO ESPELEOLOGIA TALDEA Izena emateko (udaletxean – 10 euro) azken eguna: Uztailak 17. Gehienez, 10 lagun.

• Uztailak 22 10:30-13:30 Espeleologiari buruz jakin beharrekoak irudiekin + korapiloak, erabili beharreko materialak… Herriko Plazako hitzaldi aretoan
• Uztailak 24 09:00-14:00 Praktikak Untzueta mendiko Lezeaga haitzuloan